Buzovnada üç nəfəri öldürməkdə şübhəli bilinən kürəkən tutulub - Yenilənib  

"Report"un əldə etdiyi məlumata görə, bu, keçmiş kürəkən Nofəl Səfərovdur.

***

TƏBİB Buzovnada iki gün əvvəl evə basqın zamanı bıçaqlanan qadının xəstəxanada ölməsi barədə məlumat yayıb.

TƏBİB-dən PİA.az-a verilən məlumatda bildirilib ki, Xəzər rayonu, Buzovna qəsəbəsində 29 noyabr tarixində baş verən hadisə nəticəsində xəsarət alaraq TƏBİB-in tabeliyindəki Sabunçu Tibb Mərkəzinə yerləşdirilən 1945-ci il təvəllüdlü Şahirə Muradova dekabrın 1-i saat 03:00 radələrində tibbi müdaxilələrə baxmayaraq dünyasını dəyişib.

Qeyd edilib ki, eyni hadisə nəticəsində xəsarət alan 1997-ci il təvəllüdlü Elbrus Ağalarov isə zəruri tibbi xidmətlər aldıqdan sonra həkimlərin rəyi ilə evə buraxılıb.

***

PİA.az xəbər verir ki, 1945-ci il təvəllüdlü Şahirə Muradova bu gün xəstəxanada keçinib.

Baş Prokurorluğun mətbuat xidmətindən APA-ya faktı təsdiqləyiblər. Bildirilib ki, faktla bağlı araşdırma aparılır.

Bununla da hadisə nəticəsində ölənlərin sayı 3-ə çatıb.

Qeyd edək ki, noyabrın 29-da saat 20 radələrində paytaxtın Xəzər rayonu, Buzovna qəsəbəsində rayon sakinləri - 1939-cu il təvəllüdlü Elbrus Muradovun bıçaq xəsarətlərindən ölməsi, həyat yoldaşı, 1945-ci il təvəllüdlü Şahirə Muradovanın, oğlu 1971-ci il təvəllüdlü Rahil Muradovun və nəvəsi 1997-ci il təvəllüdlü Elbrus Ağalarovun xəsarət alması ilə bağlı polisə məlumat daxil olub.

Rahil Muradov hadisə günü xəstəxanada ölüb.(apa)

pia.az