Bayden: Ukraynaya yardımın ayrılması ilə bağlı çətinliklər Rusiyanın xeyrinədir

Poliqon xəbər verir ki. bunu ABŞ prezidenti Co Bayden Ukrayna prezidenti Vladimir Zelenski ilə danışıqlardan sonra deyib. Baydenin sözlərinə görə, respublikaçıların əlavə vəsaitin ayrılmasına səs vermək istəməməsi “Rusiya üçün yaxşıdır” və bu, prezident Vladimir Putin üçün “Milad hədiyyəsi” olacaq.

“Əlavə maliyyə olmadan, biz Ukraynanın üzləşdiyi təcili çağırışlara cavab vermək üçün öz imkanlarımızı tez bir zamanda tükətəcəyik. Bizim bu vəziyyətə düşmıyimiz heyrətamizdi”, deyə Bayden bildirib.

ABŞ prezidenti qeyd edib ki, Putin ABŞ-ın Ukraynaya yardım göstərə bilməyəcəyinə mərc edir: “Biz onun səhv etdiyini sübut etməliyik”, deyə Amerika prezidenti əlavə edib.

Qeyd edək ki, bu gün, dekabrın 13-də ABŞ prezidenti Co Bayden ukraynalı həmkarı Vladimir Zelenski ilə Ağ Evdə keçirdiyi görüşdə Ukraynaya 200 milyon dollarlıq yardım paketinin ayrıldığını açıqlayıb. Hazırda Ukraynaya yeni yardım paketlərinin maliyyələşdirilməsi ilə bağlı Ağ Ev və Senat arasında müzakirələr gedir. Ağ Ev bildirir ki, Amerika hökumətinin Ukraynaya yardım üçün ayrılmış pulu tükənir. Müzakirələr zamanı respublikaçılar dəfələrlə təkid edirdilər ki, Meksika ilə sərhəddə təhlükəsizlik tədbirlərini gücləndirmək üçün vəsait olmasa, Ukraynaya əlavə maliyyə ayrılmasını təsdiq etməyəcəklər.

Poliqon.info