Bu ilin 30 sentyabr tarixinə Azərbaycanda fəaliyyət göstərən bankların cəmi aktivləri 31 363,3 mln. manat, cəmi öhdəlikləri isə 26 674,8 mln. manat təşkil edib...
Sektorun balans kapitalı 4 688,5 mln. manat olub.
PİA.az-ın Maliyyə Bazarlarına Nəzarət Palatasına istinadən verdiyi məlumata görə, ötən ilin eyni tarixi ilə müqayisədə bankların cəmi aktivləri 2 161,5 mln. manat və ya 7,4%, cəmi öhdəlikləri 1 585,8 və ya 6,3%, sektor kapitalı isə 575,7 mln. manat və ya 14% artıb. Sektorun kapital mövqeyi qənaətbəxşdir. Belə ki, sentyabr ayına məcmu kapital 4 236,4 mln. manat təşkil edib ki, bu da ilin əvvəli ilə müqayisədə 17% çoxdur.
Sentyabr ayına sektorun aktivlərinin 44,2%-ni kredit portfeli təşkil edib. Cari ilin 9 ayı ərzində kredit portfeli 9,8% (1,2 mlrd. manat) artıb. Banklar üzrə ümumi kredit portfeli ayın sonuna 13 872,1 mln. manat təşkil edib. Kredit portfelinin 61,6%-ni biznes, 38,4%-ni isə istehlak kreditləri təşkil edib. Aktivlərin 46,4%-ni xarici valyutada olan aktivlər təşkil edib. Kredit portfelinin 34,8%-i xarici valyutadadır.
pia.az
Digərxəbərlər
Populyar xəbərlər
