Azərbaycanda hava limanında vəzifəli şəxslər arasında dava olub - Yenilənib

“Azərbaycan Hava Yolları” QSC (AZAL) Gəncə Hava Limanında vəzifəli şəxslər arasında dava olmasına münasibət bildirib.

Mətbuat katibi Paşa Kəsəmənski “Report”a açıqlamasında vəzifəli əməkdaşlar əlbəyaxa deyil, söz davasına çıxdığını deyib.

***

Gəncə Hava Limanında vəzifəli şəxslər arasında dava olub.

“Report”un xəbərinə görə, hava limanının Aviasiya Təhlükəsizliyi xidmətinin rəisi Akif Alıyev və Yerüstü xidmət sahəsinin növbətçi rəisi Elcan Babayev əlbəyaxa olublar. Dava zamanı onlar bir-birinə xəsarət yetiriblər.

Hadisə hər iki şəxsin xidmətdə olduğu zaman baş verib.

A.Alıyev və E.Babayev arasında əvvəllər də mübahisə olduğu bildirilir.

İnsidentə polis müdaxilə edib.

Hazırda fakt araşdırılır.

pia.az