Dünyada Aya planlaşdırılan uçuşların sayında artım müşahidə olunur...
Poliqon xəbər verir ki, bu barədə The Wall Street Journal nəşrinin məlumatında bildirilir.
Nəşr yazır ki, 2008 və 2009-cu illərdə Ayın cənub qütbündə alimlər ilk dəfə buz izlərini aşkar etdilər. Su gələcək Ay bazası üçün kritik mənbədir: ondan içmək üçün , avadanlıqların soyudulması və ya hətta günəş sisteminin daha uzaq nöqtələrinə uçuşlar üçün raket yanacağı hazırlamaq üçün istifadə edilə bilər.
Ayın təbii ehtiyatlarından istifadə o deməkdir ki, gələcək kosmik gəmilər Yerdən yanacaq daşımaq məcburiyyətində qalmayacaqlar.
WSJ qeyd edir ki, NASA direktoru Bill Nelson bu yaxınlarda Çinin ekipajının Ayın cənub qütbünə enməsini istəmədiyini dilə gətirib. Çünki Ayın su ehtiyatlarına iddialı olan ilk ölkənin Çin olması və mənbələrə Pekinin haqq irəli sürməsi kosmik rəqabətdə tamam fərqli bir situasiya yarada bilər.
Öz növbəsində Çin bəyan edib ki, kosmik tədqiqatlar bütün ölkələrin inkişafına töhfə verməli və bütün bəşəriyyətə fayda verməlidir.
Poliqon.info