-1714212406.jpg&h=280&w=360&sc=1&q=100)
2024-cü ildə keçiriləcək futbol üzrə Avropa çempionatının oktyabrın 17-də keçiriləcək seçmə oyunları Brüsseldə atışma qurbanlarının xatirəsinin bir dəqiqəlik sükutla yad edilməsi ilə başlayacaq...
Bu barədə Avropa Futbol Assosiasiyaları İttifaqının (UEFA) Mətbuat Xidməti məlumat yayıb.
“Bu gecə Avro-2024-ün seçmə mərhələsinin bütün matçlarında dünən Belçika - İsveç matçı öncəsi Brüsseldə baş vermiş terror aktının iki qurbanının xatirəsi bir dəqiqəlik sükutla yad ediləcək”, - deyə məlumatda bildirilir.
Xatırladaq ki, oktyabrın 16-da Brüsseldə futbol üzrə İsveç milli komandasının iki azarkeşi güllələnib. Belçika və İsveç komandaları arasında Brüsselin Kral Boduen stadionunda baş tutan görüş birinci hissədən sonra 1:1 hesabı ilə dayandırılıb. Fasilə zamanı baş verənlərdən xəbər tutan isveçli futbolçular ikinci hissədə oynamaqdan imtina edib, daha sonra UEFA-nın Mətbuat Xidməti matçın ləğv edildiyini bildirib. Oktyabrın 17-də Belçika Federal Böhran Mərkəzi bildirib ki, azarkeşləri güllələyən şəxs həbs olunarkən öldürülüb.
Poliqon.info
Digərxəbərlər
Populyar xəbərlər
-1714212406.jpg&h=86&w=120&sc=1&q=100)
