Almaniyada vətəndaşlara marixuanadan istifadə və üstündə daşımağa icazə verilib...
Aprelin 1-dən Almaniyada marixuana bazarı üçün yeni tənzimləmə rejimi qüvvəyə minib.
Poliqon xəbər verir ki. bir çox dünya mediası bu xəbəri “leqallaşma” adlandırıb.
Bu gündən etibarən Almaniyanın istənilən vətəndaşı marixiuananı yalnız şəxsi istifadə üçün yetişdirmək, həmçinin xüsusi sosial qeyri-kommersiya təşkilatlarından almaq hüququna malikdir.
Bundan əlavə, almanlara ciblərində 25 qrama qədər marixuana gəzdirmək və evdə 50 qrama qədər saxlamaq icazəsi verilib. Qanunda xüsusilə vurğulanır ki, bu, narkotik vasitənin qeyri-tibbi məqsədlər üçün istifadəsinə aiddir.
Hər bir alman öz başına üç marixuana kolu yetişdirmək hüququna malikdir. Lakin marixuananın mütəşəkkil becərilməsi və satışına icazə verilən “sosial klublar”da fəaliyyət göstərəcək. Belə klubların sayı 500-dən çox olmamalıdır. Burada onu yetişdirə bilməyənlər marixuana əldə edə biləcəklər.
Həmçinin qanunda bildirilir ki, dərmanın qeyri-tibbi məqsədlər üçün kommersiya satışı qadağan olaraq qalır və marixuananın leqallaşdırılması narkotik biznesini aradan qaldırmağa və onunla mübarizəyə qənaət etməyə kömək edəcək.
Qanun təsdiq edilməzdən əvvəl Almaniyada marixuananın qara bazarının ildə 14 milyard avro dəyərində olduğu bildirilirdi.
Poliqon.info
Digərxəbərlər
Populyar xəbərlər
