Ukrayna Milli Təhlükəsizlik və Müdafiə Şurasının katibi hesab edir ki, Rusiya Azərbaycanın antiterror tədbirləri apardığı Qarabağda döyüşməyəcək...
“Rusiya Azərbaycanın antiterror tədbirləri apardığı Qarabağda döyüşməyəcək, Ermənistanı təslim edəcək”.
Poliqon xəbər verir ki, bunu Ukrayna Milli Təhlükəsizlik və Müdafiə Şurasının katibi Aleksiy Danilov deyib.
“Rusiya Ermənistanı təslim edəcək, orada döyüşməyəcək. O, heç bir ölkə üçün tərəfdaş deyil. Rusiya Ermənistanı tək qoyacaq”, deyə Danilov “Ukraynskaya Pravda” nəşrinə müsahibəsində deyib.
Milli Təhlükəsizlik Şurası katibinin sözlərinə görə, Rusiya Federasiyası ilə əlaqələri olan Mərkəzi Asiya ölkələri başa düşməlidirlər ki, o, “müttəfiqlərini tərk edir və öhdəliklərini yerinə yetirmir”. O əlavə edib ki, Rusiyanın zəifliyi Azərbaycanın antiterror əməliyyatlara başlamasına təkan verib.
“Azərbaycan başa düşür ki, Rusiya hazırda Ukraynaya qarşı müharibə aparır, ona görə də heç bir müqavimət göstərə bilməz”, deyə Danilov izah edib.
Poliqon.info