ABŞ və Kanadada qar fırtınası nəticəsində 38 nəfər öldü

PİA.az “BBC Türkçə”yə istinadən xəbər verir ki, ABŞ və Kanadaya təsir edən arktik soyuq və qar fırtınası nəticəsində 38 nəfər həyatını itirib. ABŞ-da 34 nəfər həyatını itirərkən, ən çox təsirlənən yer Nyu-York ştatının Buffalo şəhəri olub.

Kanadada isə avtobusun buz bağlayan yola aşması nəticəsində 4 nəfər ölüb.

Mütəxəssislər fırtınanın bir neçə günə səngiyəcəyini desələr də, zərurət olmadıqca səyahət etməmək barədə xəbərdarlıq ediblər.

Buffaloda minlərlə evin elektrik enerjisi kəsildiyi üçün avtomobillər yollarda ilişib. Həmçinin, minlərlə uçuşun ləğvi səbəbindən bir çox insan Milad bayramında ailələrini ziyarət edə bilməyib.

Hava təzyiqinin sürətlə azalması və fırtınanın şiddətinin artması səbəbiylə axtarış-xilasetmə qrupları “bomba siklonu” olaraq təyin olunan fırtına şəraiti səbəbindən yolda qalıb.

Kanada sərhədinə yaxın və Eri çayının sahilində yerləşən Eri şəhərinin idarəçilərindən Mark Polonkarz həyatını itirənlərin bəzilərinin avtomobillərdə və ya qar altında qaldığını bildirib. Poloncarz Twitter-də: “Heç birimiz Milad bayramının belə keçəcəyini gözləmirdik”, deyə yazıb.

Nyu-York qubernatoru Keti Hoxul isə 1977-ci ildə baş verən böyük fırtınadan sonra Buffalonun tarixində ən şiddətli fırtına ilə üzləşdiyini bildirib. Bu fırtınanın tarixə düşəcəyini vurğulayan Hoxul, şəhərin döyüş bölgəsinə çevrildiyini söyləyib.

pia.az