ABŞ üçün əsas təhlükə…

PİA.az xarici mətbuata istinadən xəbər verir ki, ABŞ Konqresinin Nümayəndələr Palatasının spikeri, respublikaçı Kevin Makkarti dövlət borcunun ölkə üçün əsas təhlükə olduğunu bildirib. Onun sözlərinə görə, borclanmanın həcmi ABŞ ÜDM-nin 120 faizinə çatıb. Makkarti qeyd edib ki, bu, bütün ABŞ iqtisadiyyatından çoxdur.

“ABŞ-ın dövlət borcu hazırda ABŞ ÜDM-nin 120 faizini təşkil edir, yəni həcm baxımından bütün ABŞ iqtisadiyyatını üstələyir. Bu, Amerika tarixində heç vaxt olmadığı qədər çoxdur”, deyə Makkarti bildirib.

Eyni zamanda Nümayəndələr Palatasının spikeri hökumətin xərcləmə ilə bağlı problemlərinin olduğunu vurğulayıb, və dövlət xəzinəsinə daxil olan gəlirlərin hazırda ABŞ tarixində heç vaxt olmadığı qədər yüksək olduğuna aydınlıq gətirib.

Qeyd edə ki, Nümayəndələr Palatasının respublikaçı üzvü, deputat Brayan Fitspatrik daha əvvəl dövlət borcunun səviyyəsinin dollara nisbətdə müəyyənləşdirilməsindən imtina etməyi təklif etmişdi.Respublikaçı konqresmen hesab edir ki, bunun əvəzinə ştatlar ÜDM faizinə keçməlidir.

Problemlərin həlli üzrə Nümayəndələr Palatasının partiyalararası işçi qrupuna həmsədrlik edən Fitzpatrikin sözlərinə görə, 2008-ci ildə ABŞ-ın dövlət borcu ölkənin ÜDM-nin təxminən 40%-ni, 2018-ci ildə isə təxminən 70%-ni, indi isə 125%-ni təşkil edib ki, bu prosesin haraya qədər gedəcəyi də müəyyən deyil..

pia.az