Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinq zamanı bildirib ki, ABŞ Misirdən Rusiyaya silah verilməsi ilə bağlı əlamətlər görmür…
Poliqon xəbər verir ki, Kirbi Qahirənin Moskvaya raket satmaq planlarına dair iddiaları belə şərh edib.
“Sizə deyim ki, biz Misirin Rusiyaya öldürücü silahlar verdiyinə dair heç bir əlamət müşahidə etməmişik”, deyə Kirbi deyib.
Bundan əvvəl Rusiya prezidentinin mətbuat katibi Dmitri Peskov Misirin Rusiyaya gizli şəkildə 40 minə qədər reaktiv mərmilər göndərməyi planlaşdırdığı barədə Amerika mətbuatında yayılan məlumatı şərh edib. Kremlin sözçüsü bu xəbərləri təkzib edərək, onları “kanard” adlandırıb.
Qeyd edək ki, The Washington Post qəzeti Amerika kəşfiyyatının internetə sızan məxfi sənədlərinə istinadla yazıb ki, Misir gizli şəkildə Rusiyaya sursat yollamağı planlaşdırır. Nəşr qeyd edib ki, Misir prezidenti Əbdül Fəth əs-Sisi bu yaxınlarda öz tabeliyində olanlara Rusiyaya gizli göndərilmək üçün 40 minə qədər reaktiv mərmi istehsal etməyi əmr edib.
Poliqon.info