Çin nüvə silahı plutoniumu istehsal etmək və 12 il ərzində nüvə başlığı ehtiyatını dörd dəfəyə qədər artırmaq üçün Rusiya nüvə yanacağından istifadə edə bilər...
Poliqon.info xəbər verir ki, bu barədə "Bloomberg" agentliyi ABŞ kəşfiyyat rəsmilərinə istinadən xəbər verib.
Söhbət CFR-600 reaktoru üçün Tayvanın şimal sahillərindən 220 kilometr məsafədə yerləşən Çan Biao adasında uran tədarükündən gedir. Kəşfiyyat məlumatlarına görə, dekabr ayında "Rosatom" oraya 6477 kq uran gətirib. Bloomberg CFR-600-ü dünyanın ən yaxından müşahidə olunan nüvə qurğularından biri adlandırıb.
Rusiyadan gələn uran Çinə nüvə arsenalını böyüdə və nüvə başlıqlarının sayını ABŞ və Rusiyanın nüvə başlıqlarının sayına çatdıra bilər.RUSİ-nin məlumatına görə, 2022-ci ilin sentyabr-dekabr ayları arasında Rusiya Çinə 25 ton yanacaq tədarük edib ki, bu da Pekinə 384 milyon dollara başa gəlib.
BMT-nin Silahsızlaşdırma Araşdırmaları İnstitutunun analitiki Pavel Podvig qeyd edib ki, Çan Biao adasındakı layihə, ehtimal ki, mülki məqsədlər üçün yaradılıb, lakin Çin mülki və bölünmüş plutonium ehtiyatları barədə məlumat verməyi dayandırıb.
Fizik və keçmiş Ağ Ev məsləhətçisi Frank Von Hippel, CFR-600-ün ildə 50 başlıq istehsal edə biləcəyini təxmin edir. Pentaqonda hesab edirlər ki, Pekin 2035-ci ilə qədər döyüş başlıqlarının sayını 400-dən 1500-ə qədər artıra bilər.
Pekində ABŞ-ın qorxularını inkar ediblər, həmçinin nüvə silahının yayılmaması ilə bağlı öhdəliklərini ciddi şəkildə yerinə yetirdiklərini və könüllü olaraq"mülki nüvə fəaliyyətinin bir hissəsini Beynəlxalq Atom Enerjisi Agentliyinə təhvil verdiklərini bildiriblər.
1970-ci ildə imzalanmış nüvə silahının yayılmaması müqaviləsinə əsasən, Çin və Rusiya CFR-600-ün fəaliyyətinin təfərrüatlarını açıqlamalı deyillər. Həmçinin reaktorun nüvə silahı ehtiyatlarını artırmaq üçün istifadə edilib-edilmədiyi ilə bağlı Pekin hesabat da verməli deyil. Obyekt, o cümlədən MAGATE-nin tərəfindən də yoxlanılmır.
Tərcümə Poliqon-a aiddir
Poliqon.info
Digərxəbərlər
Populyar xəbərlər
