Nümayəndələr Palatasının Kəşfiyyat üzrə Daimi Komitəsinin sədri Terner ABŞ-ınmilli təhlükəsizli üçün ciddi təhlükə barədə xəbərdarlıq edib...
Poliqon xəbər verir ki, bu barədə Fox News telekanalı məlumat yayıb.
“Bu gün Nümayəndələr Palatasının Kəşfiyyat üzrə Daimi Komitəsi bütün Konqres üzvlərinə milli təhlükəsizliyə əhəmiyyətli təhlükə ilə bağlı məlumat verib. Mən prezident Baydendən bu təhlükə ilə bağlı bütün məlumatların məxfiliyini ləğv etməyi xahiş edirəm ki, Konqres, Administrasiya və müttəfiqlərimiz bu təhlükəyə cavab vermək üçün lazım olan tədbirləri açıq şəkildə müzakirə edə bilsinlər”, deyə Ternerin bəyanatında bildirilir.
Ağ Evin milli təhlükəsizlik üzrə müşaviri Ceyk Sallivan çərşənbə günü Ağ Evdə keçirdiyi brifinqdə bu həftənin əvvəlində Konqresin liderləri ilə əlaqə saxladığını söyləyib.
“Biz bu məsələ ilə bağlı şəxsi Konqresin Komitə sədrləri ilə brifinq keçirmək təklifi ilə çıxış etmişik. Bu brifinq cümə axşamı baş tutacaq. Konqresmen Ternerin bu gün görüş ərəfəsində məni sabah onunla, kəşfiyyat və müdafiə mütəxəssislərimizlə danışmağa dəvət etməsinə bir az təəccüblənirəm. Amma nu, onun seçimidir” deyə Sallivan bildirib.
Ceyk Sallivan əlavə təfərrüat verməkdən imtina edib və əlavə edib ki, ümumiyyətlə, dünyada hər gün qarşılaşdıqları bir sıra təhlükələr var.
“Əminəm ki, prezident Bayden qəbul etdiyi qərarlarla Amerika xalqının təhlükəsizliyini qoruyacaq”, deyə Sallivan qeyd edib.
ABC News telakanalı isə bildirib ki, Respublikaçıların "milli təhlükəsizliyə təhdid" xəbərdarlığı Rusiyanın kosmosa nüvə bombası yerləşdirmək istəyi ilə bağlıdır.
ABC News-a danışan mənbə bildirib ki, söhbət nüvə silahının kosmosdan Yerə atılmasından yox, peyklərə qarşı mümkün istifadəsindən gedir.
“Bu, çox vacib və çox həssas məsələdir” deyən mənbə bunu “böyük problem" adlandırıb.
Poliqon.info