Böyük ehtimalla ABŞ Ali Məhkəməsi Donald Trampın qarşıdan gələn seçkilərdən kənarlaşdırılmasını rədd edəcək...
ABŞ Ali Məhkəməsi federal səviyyədə keçmiş ABŞ prezidenti Donald Trampın qarşıdan gələn seçkilərdən kənarlaşdırılması məsələsinə baxarkən, 14-cü düzəlişin ABŞ prezidentlərinə şamil edilmədiyini əsas gətirərək, işi rədd edə bilər.
Poliqon xəbər verir ki, bu barədə Amerikanın The Washington Post qəzeti yazır.
“ABŞ Ali Məhkəməsi Trampən diskvalifikasiyasını rədd edə bilər. Məhkəmə deyə bilər ki, 14-cü düzəliş prezidentlərə şamil edilmir”, deyə nəşr yazır.
Xəbərdə qeyd olunur ki, Kolorado Ali Məhkəməsinin Donald Trampı bu ştatda 2024-cü ildə keçiriləcək ilkin seçkilərdə iştirakdan kənarlaşdırması “müqəddiməyə çevrilib” və hazırda “top Ali Məhkəmənin meydançasındadır”.
Nəşr vurğulayır ki, Minnesota Ali Məhkəməsinin ötən ay çıxardığı qərarda “üsyan” sözü belə qeyd olunmayıb, sadəcə olaraq Trampın seçki bülletenində olub-olmayacağına qərar vermək ştatın Respublikaçılar Partiyasından asılı olduğunu bildirib.
Qeyd edək ki, bundan əvvəl xəbər verilmişdi ki, ABŞ-ın xüsusi prokuroru Cek Smit ölkənin Ali Məhkəməsindən keçmiş başçı Donald Trampın vəzifədə olarkən törətdiyi iddia edilən cinayətlərə görə prezident toxunulmazlığının olub-olmadığını dərhal müəyyən etməyi xahiş edib.
Poliqon.info