ABŞ və Çin arasında ticarət 2022-ci ildə rekord həddə çatıb...
Poliqon xəbər verir ki, ABŞ prezidentinin milli təhlükəsizlik üzrə müşaviri Ceyk Sallivan aprelin 27-də bildirib ki, Birləşmiş Ştatlar Çinlə ticarət əlaqələrini məhdudlaşdırmaq və ondan iqtisadi cəhətdən uzaqlaşmaq niyyətində deyil. Buna baxmayaraq Sallivan qeyd edib ki, Vaşinqton Pekinə qarşı sərt ixrac nəzarəti rejimini saxlayacaq.
“Bizim ixrac nəzarətimiz dar çərçivədə hərbi balansı poza bilən texnologiyalara yönəlib”, deyə Sallivan bildirib.
ABŞ prezidentinin milli təhlükəsizlik üzrə müşavirinin sözlərinə görə, Bayden administrasiyası texnologiyaların ABŞ-a qarşı başqa ölkələr tərəfindən istifadə edilməməsini təmin etmək öhdəliyi götürür. Sallivan ABŞ və Çin arasında ticarətin 2022-ci ildə rekord həddə çatdığını vurğulayıb.
Eyni zamanda, prezidentin köməkçisi etiraf edib ki, Vaşinqton Pekinlə rəqabət aparır, lakin qarşıdurmaya can atmır.
“Asiya dövləti ilə əməkdaşlıq mümkün olan məsələlər üzrə gedir”, deyə Sallivan fikrini yekunlaşdırıb.
Poliqon.info
Digərxəbərlər
Populyar xəbərlər
