"Forbes" siyahısında yer alan milyarder Rusiya vətəndaşlığından imtina edib

Poliqon xəbər verir ki, bu barədə "Forbes" biznesmenin təqdim etdiyi sənədlərə istinadən yazıb.

İş adamının 2022-ci ilin sentyabrında Rusiya vətəndaşlığından rəsmən imtina etdiyi dəqiqləşdirilir.

"Əlişir Usmanovun keçmiş ortağı Vasili Anisimov Rusiya vətəndaşlığından imtina edən yeddinci milyarder oldu", deyə "Forbes" qeyd edib.

Məlum olub ki, iş adamı Xorvatiya və Dominikan vətəndaşlığına malikdir.

"Forbes" qeyd edir ki, milyarder Rusiya vətəndaşlığından imtina etdikdən sonra Rusiyaya yalnız işgüzar vizası ilə daxil olur. Milyarder Rusiya Federasiyasında heç bir aktivinin qalmadığını iddia edir.

2010-2022-ci illərdə Anisimov Rusiya Cüdo Federasiyasının prezidenti olub. "Forbes" onun sərvətini 1,6 milyard dollar qiymətləndirir.

Poliqon.info