Zelenski Avropada vahid müdafiə sənayesinin yaradılmasına çağırıb

Poliqon “RBC-Ukrayna” nəşrinə istinadən xəbər verir ki, Ukrayna prezidenti bu barədə İsveçin “Cəmiyyət və Müdafiə” konfransında bildirib.

Konfransdakı çıxışı zamanı Vladimir Zelenski Avropa vahid silah sənayesi yaradılmasının zərurliyindən danışıb. Ukrayna prezidentinin fikrincə, yalnız bu, Avropanın təhlükəsizliyini Rusiyadan hərbi cəhətdən təmin edə bilər.

Vladimir Zelenski həmçinin qeyd edib ki, Rusiya Avropanın əhəmiyyətli hissəsinə qarşı hibrid müharibə aparır. O, çıxışı zamanı əlavə edib ki, Ukrayna öz təhlükəsizliyini və tərəfdaşlarının təhlükəsizliyini təmin etmək üçün dünyanın ən yaxşı silahlarını əldə etməyə çalışır.

“Ukrayna Avropanın ən mühüm təhlükəsizlik donorlarından biri olub və həmişə də olacaq”, deyə Ukrayna prezidenti vurğulayıb.

Poliqon.info