Yuan, Çinin maliyyələşdirmə şərtlərinin yumşaldılması gözləntiləri ilə dollara nisbətdə dəyər itirir...
Cümə axşamı, Çində maliyyələşdirmənin daha da yumşaldılması gözləntilərinin təzyiqi altında yuan ABŞ dolları qarşısında doqquz aydan çox aşağı səviyyəyə düşüb.
Poliqon xəbər verir ki, bu barədə Reuters Agentliyinin məlumatında bildirilir. Agentlik yazır ki, Çin Mərkəzi Bankının öz valyutasını dəstəkləmək cəhdləri belə bu enişin qarşısını ala bilməyib.
Reuters qeyd edir ki, dollar, ABŞ iqtisadiyyatının gücü ilə digər əsas valyutalar səbətinə qarşı möhkəmlənib və bu, FED-in daha uzun müddətə faiz dərəcəsini yüksək səviyyədə saxlama ehtimalını artırır.
Bununla yanaşı, nəşr yazır ki, bazar iştirakçıları Çində zəifləyən iqtisadi artımı dəstəkləmək üçün zəruri olan pul siyasətinin daha da yumşaldılmasını gözləyirlər.
Qeyd edilir ki, ABŞ və Çində gəlirlər arasındakı fərq son 16 ildə maksimuma çatıb ki, bu da yuana təzyiq göstərir.
Poliqon.info