Yəmən sahillərində göyərtəsində yanğın baş verən Britaniya gəmisi ilə insident baş verib...
Poliqon xəbər verir ki. bu barədə Britaniya Hərbi Dəniz Qüvvələri Komandanlığının Dəniz Ticarət Əməliyyatları İdarəsi (UKMTO) bildirib.
“UKTMO-ya Bab əl-Məndeb boğazı yaxınlığında bir gəmi ilə insident barədə məlumat daxil olub”, deyə məlumatda bildirilib.
Hadisə Yəmənin Qırmızı dənizdəki Moha limanından 28 km qərbdə baş verib.
Departamentin məlumatına görə, hazırda bütün ekipaj təhlükəsizdir və səlahiyyətlilər araşdırmaya başlayıb.
Qeyd edək ki, bir müddət əvvəl Yəmənin “Ənsar Allah” (Husi) şiə hərəkatının döyüşçüləri Bab əl-Məndəb boğazında Britaniyaya məxsus ticarət gəmisinə hücum ediblər. Hücumun pilotsuz uçuş aparatlarından istifadə edilərək həyata keçirildiyi, Amerika və İsrail gəmilərinin buna müqavimət göstərməyə çalışdığı qeyd edilib.
Poliqon.info