Suriya İsrailə qarşı bir neçə müharibə aparıb və yeni müharibələrə hazırdır...
Poliqon xəbər verir ki, bunu Suriyanın xarici işlər naziri Feysəl Miqdad Dəməşqdə İranın xarici işlər naziri Hüseyn Əmir Abdullahianla keçirdiyi mətbuat konfransında deyib.
"Suriya sionist varlığa (İsrailə-red.) qarşı bir neçə müharibə aparıb və daha çox müharibəyə hazırdır. Suriya bunun nə vaxt və harada olacağına qərar verəcək", deyə Miqdad bildirib.
Suriya Xarici İşlər Nazirliyinin rəhbəri əlavə edib ki, ölkə ərazisinin bir hissəsinin İsrail, ABŞ və Türkiyə tərəfindən işğalı qanunsuzdur və Suriya öz torpaqlarını azad etməyə hazırdır.
Abdullahian bir sıra Suriya rəsmiləri ilə danışıqlar aparmaq üçün bazar günü Dəməşqə yollanıb. Suriya prezidenti Bəşər Əsəd İranın xarici işlər naziri ilə görüşdə bildirib ki, ABŞ-ın İsrailə silah tədarükünü davam etdirən hərəkətləri Yaxın Şərqdə münaqişənin miqyasını genişləndirmək təhlükəsi yaradır.
Son zamanlar İsrail Suriya ərazisinə, o cümlədən Dəməşqə bir neçə zərbə endirib.
Poliqon.info
Digərxəbərlər
Populyar xəbərlər
