Xerson vilayətində rus əsgərləri “Skadovsk Ukraynadır” deyən qadını edam ediblər...
PİA.az xəbər verir ki, belə bir məlumatı Financial Times yayıb. Bu barədə qətl olunan Mudrenkonun bacısı Natalya Çernaya məlumat verib.
Nəşrin yazdığına görə 56 yaşlı Tatyana Mudrenko tibb bacısı işləyib və aktiv şəkildə Xersonun ruslar tərəfindən işğalına qarşı təbliğat aparırmış. Oktyabrın əvvəlində T.Mudrenko ilə Rusiyaya işləyən ukraynalı polislər arasında qarşıdurma olub və Mudrenko ukraynalı polisləri işğalçılarla işlədiklərinə görə kəskin şəkildə qınayıb.
Bundan sonra qadın və əri saxlanılıb və ondan məlumat almaq mümkün olmayıb. Həbs olunurkən qadın “Skadovsk Ukraynadır”, qışqırıb. Mudrenkonun evi rus əsgərləri tərəfindən yağmalanıb.
Daha sonra məlum olub ki, ruslar qadını edam ediblər. Ərini isə həyat yoldaşını dəfn etmək üçün azad ediblər.
pia.az
Digərxəbərlər
Populyar xəbərlər
