“Azadlıq" radiosunun əməkdaşı jurnalist Xədicə İsmayılla Azxeber.com informasiya portalının rəhbəri Əfsələddin Ağalarov arasında münaqişə yaranıb
Aktual.az saytının məlumatına görə, münaqişəyə səbəb Xədicə İsmayılın Əfsələddin Ağalarovun da iştirak etdiyi “5+” media layihəsi ilə bağlı yazdığı statusa şərh yazması olub. Layihənin ik qonağı olan “Yeni Müsavat” qəzetinin baş redaktoru Rauf Arifoğlunun müsahibəsinə eyham vuran X.İsmayıl sözü gedən statusda yazıb: “Rauf Arifoğlu yalan yaymaqda davam edir. Yalan olmayan çox az cümlə tapmaq olar bu nitqdə. Xitab etdiyi dairəni də müəyyənləşdirib - Rauf Arifoğlunun yeni dairəsinə baxın. Əfsələddin Ağalarov, Hacıbəy Heydərli. Çox düşüb!”. Onun bu ifadəsini adları çəkilənlərdən biri - Əfsələddin Ağalarov cavabsız qoymayıb.
Ə.Ağalarovun “Xədicə İsmayıl kimi vətənini və millətini ermənilərin yanında aşağılamaqdansa, Əfsələddin Ağalarov və Hacıbəy Heydərli kimi "təcrübəsiz" olmaq daha yaxşıdır...”cavabı X.İsmaylı özündən çıxarıb.
Bir neçə şərhlə davam edən söz atışması sonda Ə.Ağalarovun X.İsmayıla “Sən Amerika casususan”, X.İsmayılın isə birinciyə xitabən “Ə.Ağalarov rədd ol burdan!” şərhləri ilə yekunlaşıb.
Daha sonra müxtəlif profillərlə statusa şərhlər yazanlar Xədicə İsmayıla qahmar çıxaraq, onu “vətənpərvər” kimi təqdim ediblər.
pia.az
Digərxəbərlər
Populyar xəbərlər
