Vitse-spiker əhalini qan verməyə çağırdı

Bu barədə Milli Məclisin Mətbuat Xidmətindən məlumat verilib.

Bu təşəbbüs koronavirus pandemiyasına qarşı mübarizə tədbirləri çərçivəsindədir.

“Özünü sağlam hiss edən, səhhəti imkan verən hər bir kəsdən Milli Hematologiya və Transfuziologiya Mərkəzi - Qan Bankına yaxınlaşaraq, qan verməsini xahiş edirik. Toplanmış qan qarşılıqsız olaraq irsi qan xəstələrinə və talassemiyalı vətəndaşlarımıza veriləcək”, - deyə məlumatda bildirilib.

Qeyd edək ki, Qan Bankında donorların təhlükəsiz şəraitdə qan verməsini təmin etmək məqsədilə girişdə bədən hərarətinin yoxlanılması üçün termal kamera yerləşdirilib.

Donorlar gigiyenik vasitələr ilə təchiz edildikdən sonra minimum təmas olmaqla qan verməkdədirlər. Donorlara lazım gəldikdə qan vermələri barədə arayışlar da verilir.

pia.az