ABŞ Dövlət Departamenti Azərbaycan və Ermənmistana Brüsseldə danışıqlar aparmaq üçün dəvət yollayıb..
Poliqon.info xəbər verir ki, bu barədə ABŞ Dövlət Departamentinin sözçüsü Ned Prays brifinqdə bildirib.
Dövlət Departamentinin rəsmisi çıxışında qeyd edib ki, Bakı və İrəvan Avropa İttifaqının (Aİ) vasitəçiliyi ilə Brüsseldə danışıqlara dəvət olunub.
“Başa düşdüyüm qədər,Brüsseldə danışıqlara başlamaq üçün tərəflərə dəvət göndərilib və imkan yaradılıb”, - deyə brifinqdə Ned Prays deyib.
Prays qeyd edib ki, Brüsseldə tərəflərin görüşünün təşkili ilə bağlı Avropa Şurasının rəhbəri Şarl Mişel tərəfindən təklif var.
“Tərəflər təklifi qəbul edərsə, bu, son həftələrdə gördüyümüz irəliləyişi davam etdirmək üçün bir ürsət olacaq, deyə Dövlət Departamentinin nümayəndəsi vurğulayıb..
Prays Brüsseldə keçiriləcək görüşün mümkün tarixini açıqlamayıb və bu tarixlə bağlı Bakı və İrəvanın qərar verəcəyini deyib.
Poliqon.info