Uzunoba gölündə uşağı xilas edən polis serjantı həlak olub - Yenilənib,Foto

Naxçıvan Muxtar Republikası, Babək rayonu Uzunoba gölündə batan şəxsləri xilas etməyə çalışan polis əməkdaşı boğularaq həyatını itirib.

Bu barədə Poliqon-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, bu gün xidmətdən kənar vaxt ailəsi ilə həmin gölün kənarında istirahət edən 1982-ci il təvəllüdlü polis serjantı Quliyev Vüsal Əbülfəz oğlu suya atılaraq göldə boğulma təhlükəsi ilə üzləşən 13 yaşlı uşağı xilas edib.

Daha sonra uşağın anası, 1984-cü il təvəllüdlü Səadət Elman qızı Aslanlını xilas etmək istəyərkən polis əməkdaşı da onunla bərabər suda boğularaq ölüb.

***

APA-nın Naxçıvan bürosu xəbər verir ki, Uzunoba gölündə 2 nəfər boğulub. Batan 2 şəxsin cəsədi FHN xilasediciləri tərəfindən çıxarılıb. onlar Aslanlı Səadət Salman qızı və Quliyev Vüsal Əbülfəz oğludur.

Poliqon.info