Bundesver (Almaniya ordusu) hazırda Rusiya-Ukrayna münaqişəsinin əvvəlindən xeyli pis təchiz olunub və genişmiqyaslı müharibə olacağı təqdirdə uzun müddət döyüş əməliyyatları apara bilməyəcək...
Poliqon xəbər verir ki, bu barədə Almaniyanın "Focus" portalı yazıb.
"Ukrayna münaqişəsinin əvvəlində Bundesver "çılpaq" idi. Bu gün hər şey daha pisdir", deyə məqalədə qeyd edilir.
Təqaüddə olan polkovnik Ralf Tiele jurnalistlərə bildirib ki, Almaniyaya və ya NATO ölkəsinə hücum edilərsə, Bundesver ən çox bir neçə saat döyüşdə dayana biləcək. Halbuki əvvəllər əsgərlər belə vəziyyətdə təxminən 3 gün sağ qala bilirdilər.
Nəşr qeyd edir ki, Bundesverdə kadrlar çatışmazlığı var və onun yenidən təchiz edilməsi Ukraynaya böyük silah tədarükü səbəbindən çox ləng gedir.
Bundan əlavə, Almaniya Müdafiə Nazirliyi hələ döyüş meydanında pilotsuz təyyarələrin geniş tətbiqi kimi müasir hərbi texnologiyaları mənimsəməyə belə başlamayıb.
Qeyd edək ki, bundan əvvək Şimal Hərbi Dairəsi zonasına tədarük edilən alman texnikasıbnın Rusiya Silahlı Qüvvələri tərəfindən uğurla məhv edilməsi barədə xəbərlər yayılıb. Bu yaxınlarda Rusiya Müdafiə Nazirliyi Almaniya istehsalı olan IRIS-T zenit-raket kompleksinin (SAM) iki buraxılış qurğusunun məhv edildiyini açıqlayıb.
Poliqon.info
Digərxəbərlər
Populyar xəbərlər
