Ukraynaya hücum etdikdən sonra dünyanın aparıcı ölkələrində Rusiyaya qarşı münasibət kəskin dəyişib…
PİA.az xəbər verir ki, bunu nəticələri Politico nəşri tərəfindən dərc edilən Morning Consult analitik şirkətinin sorğu məlumatları sübut edir.
Sorğunun nəticələrinə görə, Böyük Britaniya sakinlərinin 79%-i Rusiya haqqında ən pis fikirdədirlər. İkinci yerdə 75 faizlə Yaponiya qərarlaşıb. Sonrakı yerləri İtaliya və İspaniya (hər iki ölkədə 69%) Almaniya (68%), Fransa (68%) tutur. Morning Consult iddia edir ki, ABŞ-da vətəndaşların 62%-i Rusiyaya düşmən münasibət bəsləyir.
Eyni zamanda, “Politico” qeyd edir ki, dünya birliyində Ukraynaya dəstək birmənalı deyil. Ukraynaya qarşı mənfi münasibət xüsusilə Çin, Malayziya və Səudiyyə Ərəbistanında yüksəkdir.
pia.az