Müxalifətdə olan Cümhuriyyət Xalq Partiyasının (CHP) lideri Özgür Özel Türkiyədə 31 martda keçirilən bələdiyyə seçkilərində partiyanın qələbə çalmasından sonra növbədənkənar ümumi seçkilərə can atmayacaqlarını bildirib...
Poliqon xəbər verir ki, Pzgür Pzəl bu barədə müxalifətə yaxın sayılan “Sözcü” qəzetinə müsahibəsində danışıb.
“Növbədənkənar seçkilərin keçirilməsi qərarını, əgər varsa, yenə də xalq verəcək. Mən növbədənkənar seçkilərə çağırmıram”, deyə siyasətçi bildirib.
Özelin sözlərinə görə, Türkiyənin ən qocaman siyasi partiyası martın 31-də keçirilən seçkilərdə “seçicilərlə seçki qutusunda ittifaq yaratmağı bacarıb”.
“Seçicilər özləri və ölkələri haqqında düşünürlər. Bir dövlətlə millət rəqabət aparanda millət həmişə qalib gəlir”, deyə Özel qeyd edib.
Qeyd edək ki, Türkiyədə bələdiyyə seçkilərində CHP 37,76%, prezident Rəcəb Tayyib Ərdoğanın rəhbərlik etdiyi Ədalət və İnkişaf Partiyası isə 35,48% səs toplayıb. Bununla da AKP və Ərdoğan hakimiyyətdə olduğu 22 il müddətində ilk məğlubiyyətini alıb. Müxalifət 2019-cu ildə bələdiyyə seçkilərində qalib gəldikdən sonra İstanbul, Ankara, İzmir, Antalya da daxil olmaqla, böyük şəhərlərə də qalib gəlib.
Poliqon.info
Digərxəbərlər
Populyar xəbərlər
