-1714212406.jpg&h=280&w=360&sc=1&q=100)
Türkmənistan və Türkiyənin hökumətlərarası komissiyası Aşqabadda türkmən qazının İran ərazisindən tranzitlə Türkiyəyə nəqli imkanlarını müzakirə edib...
Poliqon xəbər verir ki, bu barədə "Neytral Turkmenistan" qəzeti məlumat yayıb.
Danışıqlarda Türkmənistan nümayəndə heyətinə baş nazirin ticarət və biznes üzrə müavini Batır Atdayev, Türkiyə nümayəndə heyətinə isə vitse-prezident Cevdet Yılmaz rəhbərlik edib.
"Tərəflər Türkmənistan təbii qazının Türkiyə bazarına tədarükü imkanlarını müzakirə ediblər. Bu kontekstdə Türkmənistan qazının İran vasitəsilə Türkiyəyə nəqli layihəsinin aktuallığı vurğulanıb", deyə məlumatda bildirilir.
Nəşr vurğulayır ki, Türkmənistanın resurs bazası və son illərdə ölkədə yaradılmış qaz nəqli infrastrukturu qərb istiqamətində qaz təchizatını lazımi həcmdə həyata keçirməyə imkan verir.
Türkmənistan artıq İran vasitəsilə Azərbaycana təbii qazın svop tədarükünü həyata keçirir. Hazırda türkmən qazının İraqa analoji sxem üzrə nəqli ilə bağlı müzakirələr aparılır.
Poliqon.info
Digərxəbərlər
Populyar xəbərlər
-1714212406.jpg&h=86&w=120&sc=1&q=100)
