Türkiyə hökuməti əmək məcəlləsinə iş həftəsini 48 saatdan 35-40 saata endirə biləcək qanunvericilik dəyişiklikləri hazırlamağa başlayıb...
Poliqon xəbər verir ki, bu barədə Türkiyənin “Sabah” qəzetinin məlumatında bildirilir. Xəbərə görə, hakimiyyət sektorlara görə fərqlənən əmək qanunlarını birləşdirməyi və məşğulluq sektoru üçün hərtərəfli və vahid tənzimləmə hazırlamağı planlaşdırır.
Qeyd edək ki. Türkiyədə 1936-cı il Əmək Qanunu qüvvədədir və bu qanuna görə iş norması gündə 8 saat olmaqla həftədə 48 saatdır. 2003-cü ildə əmək qanununa yenidən baxılıb, iş həftəsi 45 saata endirilib. Bununla belə, bu normalar, sektorlar üçün ayrıca tənzimləmələrin mövcudluğuna görə, universal tətbiq edilmir. Beləliklə, media sektorunda və dəniz əmək qanunvericiliyində 48 saatlıq iş həftəsi norma olaraq qalır, digər sektorlarda isə 45 saatlıq iş həftəsi qaydası tətbiq edilir. Eyni zamanda, bir işçi ildə 270 saata qədər iş vaxtından artıq işə cəlb edilə bilər.
Hökumət bütün peşəkar qruplar üçün qaydaları unifikasiya etmək və norma və yeni əlavə iş rejimi kimi həftədə 35-40 iş saatı tətbiq etmək niyyətindədir. Bu dəyişikliklərin texnoloji inkişafın mövcud vəziyyəti nəzərə alınmaqla hazırlanması planlaşdırılır ki, bu da proseslərin səmərəliliyini artırmaqla iş vaxtını azaltmağa imkan verir.
Bundan əlavə, muzdla işləyənlərin hüquqlarına, mükafatların qayda və məbləğlərinə, iş vaxtından artıq iş vaxtına görə əmsallara, sosial təminatlara dair bəzi qanunvericilik normalarına yenidən baxılması nəzərdə tutulur. Qeyd olunur ki, bu qaydalara yenidən baxılması işçilərin maraqları naminə həyata keçiriləcək.
Polliqon.info
Digərxəbərlər
Populyar xəbərlər
