Türk lirəsi bazar ertəsi başlayan ticarətdə rekord minimuma enərək bir dollar üçün 23,77 lirəyə qədər ucuzlaşıb...
Poliqon Türkiyə mətbuatına əsasən xəbər verir ki, bazar ertəsi türk lirəsi ABŞ dolları qarşısında yeni rekord həddə düşüb və dollar/lirə 23,77 səviyyəsinə çatıb. Qeyd edilir ki, investorlar uçot faizinin artıracağı gözləntisi içindədirlər və yeni Mərkəzi Bank rəhbərinin təyin olunmasından sonra pul siyasətində dəyişiklik siqnallarını gözləyirlər.
Xatırladaq ki, prezident Rəcəb Tayyib Ərdoğan cümə günü Türkiyənin ABŞ-dakı maliyyə nümayəndəsi Hafize Qaye Erkanı Mərkəzi Bankın rəhbəri təyin edib. Bu təyinatdan sonra gözlənilir ki, Mərkəzi Bank iki illik dərəcə endirilməsindən sonra kursu geri qaytaracaq və pul siyasətini sərtləşdirəcək.
Poliqon.info