Türk klubları UEFA-dan nə qədər gəlir əldə edib?

Pia.az UEFA-nın saytına əsasən xəbər verir ki, pul mükafatlarında indiyə kimi ən yüksək gəliri “Trabzonspor” qazanıb.

Çempionlar Liqasının pley-off mərhələsində mübarizədən kənarlaşdırılan Qaradəniz təmsilçisinə buna görə 5 milyon avro verilib.

Avropa Liqasında yoluna davam edən “Trabzonspor” 3,63 milyon avroluq iştirak haqqı ilə yanaşı, qrupdakı çıxışına görə 3.2 milyon avro qazanıb və nəticədə 14,4 milyon avroya sahib çıxıb.

“Fənərbaxça”nın mükafatı

İlkin təsnifat mərhələsində Çempionlar Liqası ilə vidalaşan və Avropa Liqasında meydana çıxan “Fənərbaxça” liqada iştirakına görə 3,63 milyon, qrupdakı performansınaa görə isə ümumilikdə 6.26 milyon avro qazanıb.

İstanbul təmsilçisi qrup mərhələsini lider kimi tamamladığı üçün 1,1 milyon avro, 1/16 mərhələsində olduqları üçün isə 0,5 milyon avro alıb və ümumi gəlirini 13.9 milyon avroya çatdırıb.

“Başakşəhər” və “Sivasspor” nə qədər gəlir əldə edib?

Konfrans Liqasında mübarizə aparan “Medipol Başakşəhər” və “Dəmir Qrup Sivasspor” qrup lideri olaraq tamamlayıb 1/16-cı mərhələyə çıxdıqdan sonra liqada iştiraklarına görə 2,94 milyon avro və 1,25 milyon avro əldə ediblər.

Başakşehir qrupdakı performansına görə 3,1 milyon avro, Sivasspor isə eyni maddələrə görə 2,52 milyon avro qazanıb.

Ümumilkdə isə “Başakşəhər” 7,2 milyon avro, “Sivasspo” isə 6,7 milyon avro əldə edib.

Qeyd edək ki, Konfrans Liqasının 3-cü təsnifat mərhələsində avrokuboklarla vidalaşan "Konyaspor" verilən 0,55 milyon avro ilə kifayətlənib.

pia.az