Tramp vəd edib ki, Zukerberq növbəti dəfə onunla bağlı səhv edərsə ömrünün qalan hissəsini həbsxanada keçirəcək...
ABŞ-nin keçmiş prezidenti Donald Tramp “Amerikanı xilas etmək” kitabında Mark Zukerberqin 2020-ci il prezident seçkiləri zamanı ona qarşı sui-qəsd hazırladığını iddia edir.
Poliqon xəbər verir ki, “Politico” nəşri tərəfindən istinad edilən kitab sentyabrın 3-də çıxacaq.
Söhbət Zukerberq və həyat yoldaşı Priscilla Çanın dövlət və yerli departamentlərə ayırdığı 420 milyon dollar ianədən gedir. Vəsaitlər 2020-ci ildə COVID-19 pandemiyası zamanı seçkilərin keçirilməsinə sərf edilib. Trampın “Zuckerbucks” adlandırdığı pullar səslərin hesablanması üçün yeni avadanlıqlara, seçki komissiyasının təliminə və poçtla səsvermənin təşkilinə xərclənib.
Mühafizəkarlar bildirblər ki, bu yolla Zukerberq səsvermənin nəticələrinə Co Baydenin xeyrinə təsir göstərməyə çalışır. Respublikaçı ştatlar daha sonra seçki rəsmilərinə özəl ianələri qadağan ediblər.
“Biz onu diqqətlə izləyirik və əgər o, bu dəfə qanunsuz bir iş görsə, 2024-cü il prezident seçkilərində saxtakarlıq edən digərləri kimi ömrünün qalan hissəsini həbsxanada keçirəcək”, deyə Tramp kitabında yazıb.
Poliqon.info
Digərxəbərlər
Populyar xəbərlər
