ABŞ-ın keçmiş prezidenti Donald Tramp İsrailin HƏMAS-a qarşı müdafiə müharibəsini dəstəkləsə də, buna son qoymağa çağırıb...
Poliqon xəbər verir ki, o, bu barədə İsrailin İsrael Hayom qəzetinə müsahibəsində bildirib.
Müsahibə Florida ştatının Palm Beaç şəhərindəki şəxsi mülkü Mar-a-Laqoda baş tutub. Onlar əsasən Qəzza zolağındakı müharibəni, ABŞ prezidenti Co Baydenin hərəkətlərini və siyasətçinin fikrincə, atılmalı olan növbəti addımları müzakirə ediblər.
"Müharibəyə son qoymalısınız. Bu başa çatmalıdır. Bunu etməlisiz və əminəm ki, edəcəksiz. Biz sülhə nail olmalıyıq. Müharibənin davam etməsinə icazə verə bilmərik", deyə Tramp bildirib.
Sabiq ABŞ prezidentinin sözlərinə görə, İsrail çox diqqətli olmalıdır, çünki ölkə dünyanın əksər hissəsinin dəstəyini itirir.
"Siz müharibəni bitirməli və sülhə doğru irəliləməlisiniz. İsrail və hər kəs üçün normal həyatı davam etdirməlisiniz", deyə eks-prezident əlavə edib.
Poliqon.info