Tərtərdə şəhidlərin xatirəsi anılıb - Video

Dekabrın 4-ü saat 12:00-da Azərbaycan Ordusunun 44 günə zəfərlə bitirdiyi Vətən müharibəsi zamanı ermənilərin ən çox hədəf aldığı Tərtər rayonunda şəhidlərin xatirəsi bir dəqiqəlik sükutla yad edilib.

PİA.az-ın məlumatına görə, şəhərin bütün küçə və prospektlərində avtomobillərin hərəkəti dayandırılıb, şəhidlərin xatirəsinə maşınlardan siqnal verilib.

Daha sonra rayon sakinləri Tərtər şəhər Cümə məscidində şəhidlərin ruhuna dualar oxuyub, namaz qılıblar.

Qeyd edək ki, Vətən müharibəsində Azərbaycan Silahlı Qüvvələrinin 2 783 nəfər hərbi qulluqçusu həlak olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir. 100 nəfərdən artıq hərbi qulluqçumuz isə itkin düşmüş hesab olunur. Onların tapılıb ailələrinə məlumat verilməsi üçün zəruri tədbirlər görülür. Hazırda 1 245 nəfər hərbi qulluqçumuzun tibb müəssisələrində müalicəsi davam edir.

Allah bütün şəhidlərimizə rəhmət eləsin və yaralı hərbçilərimizə şəfa versin!

 

pia.az