Tehran prokurorundan səfirliyimizə hücum barədə uydurma iddia...

Tehran prokuroru: “Azərbaycan Respublikasının Tehrandakı səfirliyinə hücum motivi tamamilə şəxsidir”.

Tehran prokuroru iddia edir ki, Azərbaycanın İrandakı səfirliyinə hücumun arxasında şəxsi motivlər dayanır.

PİA.az xəbər verir ki, bu barədə BBC Persian məlumat yayıb.

Məlumatda bildirilir ki, ilkin istintaqda təqsirləndirilən şəxs həyat yoldaşının Azərbaycan səfirliyində saxlandığını iddia edib.

“Bu ilin aprel ayında həbs olunan şəxsin həyat yoldaşı Azərbaycanın Tehrandakı səfirliyinə gedib və evə qayıtmayıb. Bu da saxlanılan şəxsin Azərbaycan Respublikasının səfirliyinə hücumun səbəbi olub”, deyə Tehran prokurorunun Azərbaycam səfirliyinə olunan hücumla bağlı yaydığı açıqlamada bildirilir.

“Mən dəfələrlə Azərbaycanın Tehrandakı səfirliyinə müraciət etsəm də cavab almamışam və onun hələ də orada olduğunu və mənimlə görüşmək istəmədiyini düşündüm”, deyə Tehran prokurorunun iddiasına görə terrorist ifadəsində bildirib.

Bununla da İran rejimi hücum edən şəxsin motivinin siyasi deyil, şəxsi olduğunu iddia edir:

“İlkin istintaqda təcavüzkar Azərbaycan Respublikasının Tehrandakı səfirliyinə hücum etmək motivinin tamamilə şəxsi olduğunu iddia edir”, deyə Tehran polisinin məlumatında virğulanır.

pia.az.