Sudanın mərkəzində yerləşən Sinnar şəhərində Çevik Reaksiya Qüvvələrinin (RRF) endirdiyi zərbə nəticəsində azı 20 nəfər ölüb, 70-dən çox adam yaralanıb...
Poliqon xəbər verir ki, bu barədə Çinin “Sinxua” Agentliyi yerli təşkilatlara istinadən məlumat yayıb.
Sinnar Gənclik Dərnəyi, RRF qüvvələrinin şəhər bazarına və Əl-Muvazafin bölgəsinə hücum həyata keçirdiyini, 20 nəfərin öldüyünü və 100-dən çox insanın yaralandığını bildirib.
Bu arada “Sudan həkimləri” qeyri-hökumət təşkilatı SRF-nin atəşi nəticəsində 21 nəfərin öldüyünü, 70-dən çox insanın yaralandığını bildirib və hücumu silahsız mülki əhalinin “qırğını” adlandırıb.
ÜST daha əvvəl bildirmişdi ki, Sudandakı münaqişə azı 20 min insanın həyatına son qoyub.
2023-cü il aprelin 15-dən Sudanda hərbçilər ilə hazırda paytaxt Xartumun əsas hissəsinə, Darfur və Kordofan bölgələrinə nəzarət edən RRF arasında silahlı münaqişə gedir.
Bu münqaişə üzündən 13 milyondan çox insan evlərini tərk etməli olub, o cümlədən 2,3 milyonu xaricə qaçıb. Vəziyyət səhiyyə sisteminə ciddi ziyan vurmaqla daha da çətinləşib, bir çox xəstəxana və tibb müəssisələri fəaliyyətini dayandırmalı olub. Ölkədə vəba epidemiyası qeydə alınıb, təxminən 4,2 min insan yoluxub, ən azı 165 nəfər ölüb.
Poliqon.info
Digərxəbərlər
Populyar xəbərlər
