SSRİ-nin bərpası mümkündürmü?

SSRİ-nin keçmiş xalq deputatı Alksnis: “Rusiyanın keçmiş sovet respublikalarına təklif edəcəyi heç nə yoxdur”.

PİA.az xəbər verir ki, belə bir açıqlama ilə 1990-cı illərdə SSRİ-nin parçalanmasına qarşı aktiv mübarizə aparan deputat Viktor Alksnis NSN-ə açıqlamasında bildirib.

Viktor Alksnisə görə postsovet ölkələrini birləşdirərək Sovet İttifaqının yenidən qurulmasından danışmaq faydasızdır, çünki Rusiyanın keçmiş sovet respublikalarına təklif edəcəyi heç nə yoxdur. Onun fikrincə, keçmiş SSRİ respublikaları arasında arasında ziddiyyətlər yalnız son zamanlar güclənir, üstəlik, son 30 ildə Rusiya keçmiş dövlətin fraqmentlərinin birləşdirilməsi məsələsində qeyri-aktiv olub, MDB ölkələri ilə əməkdaşlıqda yalnız pul qazanmaq məsələləri diqqət mərkəzində olub.

“Bizim keçmiş sovet respublikalarına təklif edəcəyimiz heç nə yoxdur. Biz Rusiyanı onunla birləşmək üçün nə iqtisadiyyat, nə sosial sahədə, nə də keçmiş sovet respublikalarının maraqlarını qorumaq baxımından cəlbedici edə bilmərik. Ona görə də SSRİ-nin yenidən yaradılması ilə bağlı bütün söhbətlər boş və mənasızdır. SSRİ-nin dağılmasından sonra demək olar ki, bütün 30 il ərzində biz keçmiş böyük dövlətin parçalarını birləşdirmək üçün, Rusiya bir barmaq belə tərpətməyib. Söhbət yalnız pul qazanmaq və keçmiş sovet respublikalarından satış bazarları və xammal tədarükçüləri kimi istifadə etməkdən gedirdi”, deyə Alksnis qeyd edib.

SSRİ-nin keçmiş xalq deputatı əlavə edib ki, indiyədək heç bir keçmiş sovet respublikasında Rusiya ilə birləşmə xəttini irəli apara biləcək lazımi təsirə malik siyasi qüvvələr yoxdur. O, həmçinin əlavə edib ki, 1991-ci ildə SSRİ-nin saxlanması üçün sona qədər mübarizə aparıb, lakin sonra hakimiyyət dövləti öz əlləri ilə dağıdıb və indi onu bərpa etmək mümkün olmayacaq.

Qeyd edək ki, Federasiya Şurasının üzvü Nikolay Rıjkov daha əvvəl bildirmişdi ki, SSRİ Avropa İttifaqının fəaliyyət göstərdiyi prinsiplərə bənzər yeni prinsiplər əsasında yenidən yaradıla bilər. Onun fikrincə, postsovet məkanında belə dövlətlər assosiasiyası yaratmaq mümkündür.

pia.az