Rusiyanın müdafiə naziri ölkəsinin maraqlarına zərər vurmağın qeyri-mümkün olduğunu bəyan edib…
“Ölkəmizin Ukrayna ərazisində keçirdiyi xüsusi hərbi əməliyyatdan istifadə etməklə heç kim Rusiyanın maraqlarına xələl gətirə bilməyəcək”.
Poliqon xəbər verir ki, bunu avqustun 15-də Rusiyanın müdafiə naziri Sergey Şoyqu Beynəlxalq Təhlükəsizlik üzrə XI Moskva Konfransında çıxışı zamanı bildirib.
Rusiya hərbi idarəsinin rəisi baş verən dəyişiklikləri diqqətlə izlədiyini diqqətə çatdırıb:
“Biz təhlükəsizlik təhdidlərinə və təxribat cəhdlərinə, o cümlədən Rusiya və Belarus İttifaqının təhlükəsizliyini gücləndirməklə adekvat cavab verəcəyik”, deyə Şoyqu çıxışında vurğulayıb və əlavə edib ki, “heç kəsin xüsusi hərbi əməliyyat fonunda Rusiyanın maraqlarına zərər verə biləcəyi ilə bağlı illüziyalar olmamalıdır”.
Poliqon.info