Rusiyanın müdafiə naziri hesab edir ki, Qərb Qarabağda Moskvanın sülhməramlı misisyasına müdaxilə edir və Rusiyanı Cənubi Qafqazdan sıxışdırıb çıxarmağa çalışır...
KTMT iclasında Rusiyanın müdafiə naziri Sergey Şoyqu Qərbin Qarabağ ətrafındakı vəziyyətə müdaxilə etmək, orada mövcudluğunu artırmaq və Rusiyanın sülhməramlı siyasətinə qarışmaq cəhdləri barədə məlumat verib.
Poliqon TASS Agentliyinə istinadən xəbər verir ki, Rusiyanın müdafiə naziri bu barədə Minskdə Kollektiv Təhlükəsizlik Müqaviləsi Təşkilatına (KTMT) üzv ölkələrin Müdafiə Nazirləri Şurasının iclasında danışıb. Şoyqu qeyd edib ki, Qərb ölkələri regionun təhlükəsizliyini və rifahını təmin etməkdənsə, Rusiyanı Cənubi Qafqazdan sıxışdırıb çıxarmağa daha çox çalışırlar.
“Buna misal olaraq Ermənistanda hərbi qulluqçuların və kəşfiyyatçıların daxil olduğu Avropa İttifaqının mülki missiyasını göstərmək olar. Düşünürəm ki, onların əslində nə işlə məşğul olduğunu izah etməyə ehtiyac yoxdur. Bununla bağlı, KTMT missiyasının regiona göndərilməsi ilə bağlı işi davam etdirməyi zəruri hesab edirik”, deyə Rusiyanın müdafiə nazir vurğulayıb.
Poliqon.info
Digərxəbərlər
Populyar xəbərlər
