Böyük sursat çatışmazlığı təkcə Ukraynada deyil, bütün dünyada müşahidə olunur...
Poliqon xəbər verir ki, bunu Ukraynanın Baş nazir Denis Şmıqal Financial Times qəzetinə müsahibəsində bildirib. Baş nazir qeyd edib ki, dünya səviyyəsində sursat ehtiyatları tükənib, ona görə də Ukrayna öz hasilatını yaratmağa çalışır.
“Təkcə Ukraynada deyil, bütün dünyada böyük sursat çatışmazlığı var. Biz başa düşürük ki, artıq bu sursatları Ukraynada istehsal etməliyik. Çünki bütün dünyada ehtiyatlar tükənib və yeni istehsala ehtiyac var”, deyə Şmıqal FT-yə deyib.
O, qeyd edib ki, Ukrayna Qərb ölkələrindən asılılığını azaltmaq üçün öz istehsalına başlamağa çalışır.
“Hazırda Kiyevin prioriteti ölkədə Amerika və Avropa müdafiə şirkətləri ilə birgə istehsallar təşkil etməkdir. Belə ki, “Ukroboronprom” konserni Almaniyanın “Rheinmetall” konserni ilə yeni zirehli maşınların istehsalı ilə yanaşı zədələnmiş “Leopard” tanklarının və digər zirehli texnikaların təmirini nəzərdə tutan müqavilə imzalayıb”, deyə baş nazir qeyd edib.
Şmıqalbildirib ki, bu, Qərb müdafiə şirkətləri ilə imzalanmış 20 əməkdaşlıq və birgə istehsal müqaviləsindən biridir.
Poliqon.info
Digərxəbərlər
Populyar xəbərlər
