Baş nazir Robert Fikonun rəhbərlik etdiyi yeni hökumətin cinayət qanunvericiliyinə dəyişiklik etmək planlarına qarşı minlərlə insan dünən axşam Slovakiyanın böyük şəhərlərində küçələrə çıxıb...
Poliqon xəbər verir ki. Bu barədə Associated Press Agentliyi məlumat yayıb.
Yerli polisin məlumatına görə, Bratislavanın mərkəzi meydanında keçirilən mitinqə 20 minə yaxın insan qatılıb. Slovakiyanın paytaxtında keçirilən etiraz aksiyasında “Tərəqqiçi Slovakiya” müxalifət partiyasının liderlərindən biri Mixal Şimeçka da iştirak edib.
“Siz hər bir uğursuz diktator kimi eyni səhvi edirsiniz. Siz insanların azadlıq və ədalət istəyini lazımi səviyyədə qiymətləndirmirsiniz”, deyə Şimeçka Fikoya müraciət edib.
Etirazçılar dəfələrlə “Mafiya, mafiya, mafiya” və “Fikodan doymuşuq” şüarlarını səsləndirib.
Qeyd edilir ki, Fiko hökumətinin təklif etdiyi dəyişikliklər arasında rüşvətxorluq, mütəşəkkil cinayətkarlıq və ekstremizm kimi ağır cinayətlərlə məşğul olan xüsusi prokurorluğun ləğvi təklifi də var.
Poliqon.info