Şimali Koreya hakimiyyəti İspaniyanın paytaxtı Madriddəki səfirliyini bağlamaq qərarına gəlib...
Poliqon xəbər verir ki, bu barədə Cənubi Koreyanın Yonhap Agentliyi Şimali Koreyanın İspaniya Xalqları Kommunist Partiyasının saytında yerləşdirilmiş notaya istinadən məlumat yayıb.
Notanı oktyabrın 26-da Şimali Koreyanın müvəqqəti işlər vəkili Seo Yun Seok göndərib. Sənəddə qeyd olunur ki, İtaliyadakı səfirlik indi ölkənin İspaniya ilə münasibətlərinə cavabdehdir. Sənəddə səfirliyin bağlanmasının səbəbi açıqlanmır.
Şimali Koreya 2001-ci ildə İspaniya ilə diplomatik əlaqələr qurub və 2013-cü ildə orada səfirliyini açıb.
Koreya Mərkəzi Xəbər Agentliyi həmçinin Şimali Koreyanın Uqanda və Anqoladakı səfirlərinin ev sahibi ölkələrin prezidentləri ilə vida görüşləri keçirdiyini bildirib.
Poliqon.info