Şimali Koreya hipersəs döyüş başlığına malik raketi sınaqdan keçirib

Poliqon xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb.

“Yanvarın 14-də KXDR Baş Raket Təsərrüfatı İdarəsi hipersəs manevrli idarə olunan döyüş başlığına malik bərk yanacaqlı orta uzunmənzilli ballistik raketin sınaq buraxılışını həyata keçirib”, deyə məlumatda deyilir.

KXDR Baş Raket İdarəsindən KCNA-ya bildirilib ki, bu sınaq Şimali Koreyanın müdafiə nazirliyinin güclü silah sistemlərinin yaradılması üzrə müntəzəm proqramının bir hissəsidir. Departament qeyd edib ki, buraxılış qonşu ölkələrin təhlükəsizliyinə heç bir təsir göstərməyib və regiondakı vəziyyətlə heç bir əlaqəsi yoxdur.

Poliqon.info