Avstraliyada daşqınlardan yüzlərlə insan zərər çəkib...
Fırtınalı hava və leysan yağışlar nəticəsində Avstraliyanın sahil şəhəri Sidneydə bütün küçələr su altında qalıb. Ətraf ərazilərə ciddi ziyan dəyib.
Poliqon xəbər verir ki, bu barədə The Independent qəztinin məlumatında bildirilir. Nəşr qeyd edir ki, hakimiyyət orqanları bir neçə bənddə “su basma qapıları”nı açmalı olub. Cəmi bir gündə, adətən bütün ay ərzində yağan qədər yağış yağıb.
Bir neçə körpüdə nəqliyyatın hərəkəti kəsilib. Sel suları altında qalan 300-dən çox Yeni Cənubi Uels sakini təxliyə edilib. Xilasetmə əməliyyatlarında 4 minə yaxın könüllü iştirak edir.
Xatırladaq ki, aprelin 4-dən Yeni Cənubi Uelsdə leysan yağışları davam edir. Sidneyin 5 milyon sakinini içməli su ilə 80% təmin edən Uorraqamba bəndinin yaxınlığındakı icmalar üçün vəziyyət xüsusilə çətindir. Su anbarı daşı, şlüzlər avtomatik olaraq açılıb və nəhəng su kütlələri aşağı axına töbkülür.
Poliqon.info