Badamdar qəsəbəsindəki 236 saylı orta məktəbdə Səbail rayon rəhbərliyi, rayonun hüquq-muhafizə orqanlarının, rayonun təsərrüfat xidmətlərinin rəhbərlərinin və 500 nəfərə yaxın qəsəbə sakinlərinin iştirakı ilə Qəsəbə nümayəndəliyinin 2016-ci ilin yekunları ilə bağlı hesabat yığıncağı keçirilib
PİA.AZ xəbər verir ki, açıq mikrofon formatında təşkil olunmuş yığıncaqda onları narahat edən suallara toxunulub. Görüşdə 20-dən çox çıxış və müraciətlərdə ölkə başçısı tərəfindən aparılan siyasət, görülən işlər yekdilliklə dəstəklənib.
Çıxışlarda qəsəbə sakinlərini ən çox narahat edən məsələlər ilk növbədə buranın su və kanalizasiya şəbəkələrinin vəziyyəti qaldırılmış, «Azərsu» ASC-nin işi ciddi tənqid olunmuşdur.
Badamdarın gələcək inkişafı, çoxmənzilli yaşayış binalarının istiliklə təminatı, dam örtüklərinin təmiri, qəsəbədaxili yolların asfaltlaşdırılması və küçələrin işıqlandırılması, ərazinin sanitar təmizliyi, ərzaq məhsullarının satış-yarmarkasının fəaliyyəti, nəqliyyatla yaranmış problemlər və s. barədə müraciətlər dinlənilmiş, nöqsanların aradan qaldırılması məqsədi ilə Səbail Rayon İcra Hakimiyətinin başçısı Eldar Əzizov tərəfindən aidiyyəti qurumların rəhbərlərinə müvafiq tapşırıqlar verilib.
Məlumat üçün : İsrafil Kərimov – Səbail rayon İcra Hakimiyyəti Başçısı Aparatının İctimai-siyasi və humanitar məsələlər şöbəsinin müdir müavini
Əlaqə telefonu - 493- 34-62 (iş),
493-17-98 (faks), 050/055) -322-34-83 (mob).
e-mail: [email protected] internet səhifəsi: www.sabail-ih.gov.az
pia.az
Digərxəbərlər
Populyar xəbərlər
