Rusiyanın səfir kimi qəbul etmədiyi erməni deputat mandatdan imtina edir

Poliqon xəbər verir ki, bu barədə Ermənistanın "Hraparak" qəzeti yazıb.

Nəşr qeyd edir ki, fikir ayrılıqları bir il əvvəl yaranıb. Arsenyan əmlak vergisinin artırılmasının və digər dəyişikliklərin əleyhinədir. Lakin həmin vaxt mandatdan imtina etməyib. Çünki Ermənistanın Rusiya Federasiyasında səfiri vəzifəsinə təyin olunacağını gözləyirmiş.

"Lakin Rusiya onun təyinatı üçün razılıq vermədi, bu, mahiyyət etibarı ilə imtinadır. Kremlə yaxın bloggerlər isə artıq Rusiyanın Ermənistan hökumətinin bir neçə nümayəndəsinin, o cümlədən Arsenyanın ölkəyə girişinə qadağa qoyduğunu bildiriblər", deyə nəşr yazıb.

Bundan əvvəl bildirilmişdi ki, hakimiyyət diplomatik missiyanın hazırkı rəhbəri Vaqarşak Arutyunyanı əvəz etmək qərarına gəlib. Lakin Moskva Qurgen Arsenyanın yeni səfir postuna namizədliyini rədd edib. Arsenyan özü də imtina ilə bağlı müvafiq notanın Rusiya tərəfinə verildiyini inkar etməyib.

Poliqon.info