Londonda yaşayan Moldova polisinin keçmiş yüksək rütbəli məmuru Kişinyovda hökuməti devirmək və Moldovanı Kremlin nəzarətinə keçirmək üçün “paramilitar qüvvələr”i cəlb etməklə məşğuldur...
Poliqon xəbər verir ki, bu barədə “The Times” bir qrup moldovalı və britaniyalı hüquqşünasın Böyük Britaniya Xarici İşlər Nazirliyinə təqdim etdiyi hesabata istinadən yazır.
Sənəddə irəli sürülən ittihamlar Moldovanın keçmiş rusiyayönlü prezidenti İqor Dodonun dövründə Baş Polis Müfəttişliyinin rəis müavini olmuş George Kavkalyukla bağlıdır.
Onlara Moldova hökuməti dəstək verib və Kavkalyukun ekstradisiyasını tələb etdiyini bildirib. Tələb Britaniyanın sanksiya rejimindən istifadə edərək onun aktivlərinin dondurulmasını xahiş edən kampaniyaçılar tərəfindən hazırlanıb.
Moldova hökumətinin sözçüsünə görə, keçmiş zabit Kişinyovda Avropayönlü hökuməti devirmək cəhdlərində əsas oyunçudur.
Moldova Kavkalyuku "Ləyaqət və Həqiqət" Platforması (DA) partiyasının üzvləri Ruslan Verbitski və Corc Petikə qarşı işlərin uydurulması ittihamı ilə beynəlxalq axtarışa verib.
Kavkalyuk hazırda Londondan Moldovanın “Evdə Avropanın qurulması” (RACE) siyasi partiyasını idarə edir. Kral III Çarlzın tacqoyma mərasimində və "Eurovision" öncəsi Liverpulda çəkilmiş şəkillərini paylaşaraq, onun maliyyəsi ilə bağlı suallar edilib.
O, bu ittihamları rədd edib: “İttihamlar köhnəlmiş və həqiqətə uyğun deyil”.
Kavkalyuk qarşı sanksiyaların tətbiq edilməsini tələb edən sənəddə onun Rusiyanın Federal Təhlükəsizlik Xidməti və onun “Vaqner” muzdlu qruplaşması tərəfindən idarə olunan mürəkkəb Kreml marionetləri şəbəkəsinin mərkəzində olduğu iddia edilir.
Poliqon.info