Rusiya Xarici İşlər Nazirliyi “Şimal axını”nın partladılmasının ABŞ üçün nəticələri barədə xəbərdarlıq edib...
Poliqon.info xəbər verir ki, Rusiya XİN ABŞ-ı “Şimal axını” kəmərlərini partlatmaqda ittiham edən jurnalist Seymur Herşin araşdırmasını şərh edib. Rusiya xarici işlər nazirinin müavini Sergey Ryabkov RİA Novosti-yə bildirib ki, Herşin araşdırması Moskva üçün sensasiya olmadı. Çünki “Şimal axını”nı sıradan çıxarmaqda kimin marağı olduğu bəlli idi.
Ryabkov qeyd edib ki, Qərb açıq demaqoq bəhanəsi ilə Moskvanı uzaqlaşdıraraq partlama ilə bağlı istənilən məlumatı gizlətməyə çalışır. Rusiya XİN rəsmisinin sözlərinə görə, yaranmış vəziyyət şübhələr üçün açıq əsaslar verir və nəşr olunan araşdırma yalnız bu cür düşüncələri təsdiqlədi. Herşin araşdırmasından çıxış edərək ABŞ-ı məsuliyyətə cəlb etmək üçün mümkün addımların formatından danışan Ryabkov bu məsələnin öyrənilməli olduğunu qeyd edib.
“Dünən nəşr edilən araşdırmadan sonra,özümüz üçün bir nəticə çıxardıq”, deyə Ryabkov da qeyd edib ki, “ABŞ-ın, bəlkə də digər NATO ölkələrinin bu çirkin təxribatda iştirak etdiyi barədə heç vaxt şüphə etmədik”.
“Düşünürəm ki, bununnəticələri olmalıdır”, deyə Rusiya XİN rəsmisi fikrini yekunlaşdırıb.
Poliqon.info