Rusiya Wikipedia-ya alternativ yaradır...

Poliqon TASS Agentliyinə istinadən xəbər verir ki, bu barədə “Ruviki İnternet Ensiklopediyası”nın baş direktoru Vladimir Medeiko məlumat verib.

Onun sözlərinə görə, buraxılış yayın əvvəlində baş tutmalıdır. İlkin olaraq “Ruviki” rusdilli Wikipedia-nın materialları ilə doldurulacaq, onların sayı 2 milyona yaxın olacaq. Onlar Wikipedia-ya rusca alternativə köçürüləcək və tələblərə uyğun dəyişdiriləcək.

Vladimir Medeiko bildirib ki, “Ruvika”nın əsas prinsipi təqdim olunan materialın həqiqiliyidir. Bu, məktəblilərə və tələbələrə “müəllimlərə sual vermək məcburiyyəti” yaratmadan bu materiallardan öz işlərində istifadə etməyə imkan verəcək.

“Ruvika”nın əməkdaşları dərc olunan məlumatlara gecə-gündüz nəzarət edəcəklər. Onun yoxlanılması nəşr üçün seçilmiş mövzunun mürəkkəbliyindən asılı olaraq müxtəlif üsullarla həyata keçiriləcək. Materialların dəqiqləşdirilməsi üçün ekspertlər və alimlər cəlb olunacaq.

Bundan əlavə, ictimai müzakirələrin keçirilməsi planlaşdırılır. Layihə rəhbəri qeyd edib ki, “Ruvika” rəhbərliyi elmi sahənin bütün nümayəndələri ilə əməkdaşlığa açıqdır.

Poliqon.info